Miðvikublogg ið fertugastaogsjötta
Uss, langt síðan maður birti miðvikublogg! Ekki nógu langt finnst eflaust sumum. Þeir ráða sem betur fer engu. Eða því miður. Anyway...
Spurning hvort maður hafi frá einhverju að segja. Í síðasta pistli þóttist Skáldið reyndar stefna á mikil ævintýri um næstu helgi. Og svei, ef það er ekki bara rétt! Jú, Skáldið hyggst slást í för með Flubbum og öðrum óþjóðalýð í ferð svona ca. í kringum Hofsjökul. Mun Magnús Andrésson standa fyrir ferð þessari og er Skáldinu víst ætlað það hlutverk að vera "kóari" fyrir Stefán nokkurn Twist á hans ágæta 22 ára fararskjóta. Hlutverk "kóara" er margslungið en sem betur fer er Skáldið komið í ágætis æfingu og ætti því að vera fullfært um að höndla spottann, loftmælinn og síðast en ekki síst diskaþeytingar.
Samkvæmt fregnum liggur leið vor um heldur hrjóstrugt landslag og allra veðra von svo Skáldið sá sæng sína útbreidda í gær, og sá um leið að hún myndi alls ekki duga í ferðina. Lagði það því leið sína í Útilíf ásamt fyrrnefndum Stebba og fjárfesti (með hjálp Björgólfs) í forláta svefnpoka. Að lærðra manna sögn er um gæðagrip að ræða sem ætti að halda Skáldinu á lífi í hinum verstu vetrarhörkum. Þó það nú væri fyrir hátt í 30.000 íslenskar nýkrónur!
Annað er víst ekki á döfinni á næstunni, jú, helgin á eftir er víst líka farin að taka á sig mynd, en fullsnemmt að fara að pæla í því. Eftir helgi hefst svo NBA-deildin blessuð og mun Skáldið þá birta spádóma sína í eftirtöldum flokkum (ásamt vonandi ýmsum öðrum):
MVP
NBA-lið ársins 1-3 (með tilliti til stöðu)
Nýliði ársins
Nýliðalið ársins 1-2 (án tillits til stöðu)
Varnarmaður ársins
Varnarlið ársins (með tilliti til stöðu)
Varamaður ársins
Þjálfari ársins
Framkvæmdastjóri ársins
Endurkoma ársins
Vonbrigði ársins
LVP (Least Valuable Player)
Playoff-lið, austan
Playoff-lið, vestan
Sigurvegari austurdeildar
Sigurvegari vesturdeildar
NBA-meistarar
(Ókey Snorri, ánægður?)
Uss, langt síðan maður birti miðvikublogg! Ekki nógu langt finnst eflaust sumum. Þeir ráða sem betur fer engu. Eða því miður. Anyway...
Spurning hvort maður hafi frá einhverju að segja. Í síðasta pistli þóttist Skáldið reyndar stefna á mikil ævintýri um næstu helgi. Og svei, ef það er ekki bara rétt! Jú, Skáldið hyggst slást í för með Flubbum og öðrum óþjóðalýð í ferð svona ca. í kringum Hofsjökul. Mun Magnús Andrésson standa fyrir ferð þessari og er Skáldinu víst ætlað það hlutverk að vera "kóari" fyrir Stefán nokkurn Twist á hans ágæta 22 ára fararskjóta. Hlutverk "kóara" er margslungið en sem betur fer er Skáldið komið í ágætis æfingu og ætti því að vera fullfært um að höndla spottann, loftmælinn og síðast en ekki síst diskaþeytingar.
Samkvæmt fregnum liggur leið vor um heldur hrjóstrugt landslag og allra veðra von svo Skáldið sá sæng sína útbreidda í gær, og sá um leið að hún myndi alls ekki duga í ferðina. Lagði það því leið sína í Útilíf ásamt fyrrnefndum Stebba og fjárfesti (með hjálp Björgólfs) í forláta svefnpoka. Að lærðra manna sögn er um gæðagrip að ræða sem ætti að halda Skáldinu á lífi í hinum verstu vetrarhörkum. Þó það nú væri fyrir hátt í 30.000 íslenskar nýkrónur!
Annað er víst ekki á döfinni á næstunni, jú, helgin á eftir er víst líka farin að taka á sig mynd, en fullsnemmt að fara að pæla í því. Eftir helgi hefst svo NBA-deildin blessuð og mun Skáldið þá birta spádóma sína í eftirtöldum flokkum (ásamt vonandi ýmsum öðrum):
MVP
NBA-lið ársins 1-3 (með tilliti til stöðu)
Nýliði ársins
Nýliðalið ársins 1-2 (án tillits til stöðu)
Varnarmaður ársins
Varnarlið ársins (með tilliti til stöðu)
Varamaður ársins
Þjálfari ársins
Framkvæmdastjóri ársins
Endurkoma ársins
Vonbrigði ársins
LVP (Least Valuable Player)
Playoff-lið, austan
Playoff-lið, vestan
Sigurvegari austurdeildar
Sigurvegari vesturdeildar
NBA-meistarar
(Ókey Snorri, ánægður?)
