Að sleikja menn
Alltaf stemmning í Mörkinni!
Annars hefur Jarlaskáldið ákveðið að fara út úr bænum um helgina. Hvert það fer á eftir að koma í ljós, kannski bara út í buskann (Hvar ætli hann sé annars? Þegar Skáldið var lítið (eða minna öllu heldur) var það sannfært um að buskinn væri bak við Esjuna. Síðan þá hefur það margoft farið Hvalfjörðinn, en er engu nær um staðsetningu buskans. Svar óskast!), en kannski endar það í Grímsnesinu. Það vill nefnilega svo heppilega til að Skáldinu hefur verið boðið í heimsókn þar. En aðeins eitt er víst:
Jarlaskáldið er ekki á leið á Depeche Mode-tónleika í Köben um helgina...
