SÖGUR AF JARLASKÁLDI

...humm, skáldið er á leið í Mörkina, ásamt Blöndahlnum og frk. Hrafnhildi „gifs á báðum löppum“ Hrafnkelsdóttur. Verðum við í för með þeim ágæta félagsskap V.Í.N. (Vinir íslenskrar náttúru stendur það víst fyrir). Þar ku munu verða heldur fámennt miðað við fyrri ár en þeim mun góðmennara, enda hefur Háskólaskrílnum verið úthýst og mun hann víst verða á Skógum, þeim „einkar“ spennandi stað. Fari þeir bara og veri. A.m.k. er skáldið búið að fara í Einokunarverslun Ríkisins og byrgja sig vel upp, og má því vænta góðrar ferðasögu að liðinni helgi. Þið bíðið bara þangað til...