SÖGUR AF JARLASKÁLDI

Hér er víst ætlunin að rita niður það sem leitar á huga minn hverju sinni og ég vil deila með öðrum, þeim vonandi til gagns og/eða gamans. Ástæða þess að ég byrja á þessu núna er sú að ég er þessa dagana að rita mína ágætu B.A.-ritgerð og leita því allra leiða til að finna mér eitthvað annað að gera. Mér liggur að vísu ósköp fátt á hjarta þessa stundina, var að horfa á leik Barcelona-Real Madrid þar sem Börsungar töpuðu 0-2 og er það miður. Þeir vinna þá bara 0-3 á Bernabeau!